Fäder-Liecht...

isch miis Schpill mit Weerter und Liecht, mit Schpraach und Bilder, mit Gidanke und Gfüül. Äs Hobby wa verschidni Liiduschafte va mier verbinnut: iischi Natur, da iischi Vegil, ds Fotografieru, ds Dichtu. Ich bi kei Profi, wäärli nid, aber ha viil Freid und Gschpass, bi mit Häärz und Hirni derbi und leeru immer eppis derzüä. Mini Topmodels finni hie bi iisch. Schi z finnu, brüücht Ziit und Giduld, aber das ischs wäärt. Siä wellunsch nid uf ds Foto und de isch das öi güet ässo. Ich dichtu  uf Wallisertiitsch und uf Hochtiitsch. We dier äs Bild oder än Schpruch güet gfallt, de laa sus mi doch la wissu. Und gfallt dier niggs, de bhaalt sus fer dich.

Federleicht...

ist mein Spiel mit Wörtern und Licht, mit Sprache und Bildern, mit Gedanken und Gefühlen. Ein Hobby, welches verschiedene Leidenschaften von mir verbindet: die einheimische Natur, vor allem die Vogelwelt, das Fotografieren und das Gedichte schreiben. Ich bin kein Profi, sicher nicht, aber es macht mir viel Freude und Spass, bin mit Herz und Verstand dabei und lerne immer wieder dazu. Meine Topmodels finde ich hier bei uns (im Wallis). Sie zu finden braucht Zeit und Geduld. Manchmal zieren sie sich und wollen nicht fotografiert werden, doch das ist auch gut so. Die Gedichte sind im Walliser Dialekt und auf Hochdeutsch geschrieben. Gefällt dir ein Bild oder ein Gedicht, dann lass es mich wissen. Und wenn nicht, dann behalte es für dich.
 

Fäder-Liecht

 

Vam Wind saaft gitreijt,

vam Regu wachgiküsst,

vam Sunnuliecht in d Farbe gitöicht,

uf d Erda gflogu,

wieder ufghobu – äs Wunder - fäderliecht

 

Mama's Grüäss

 

Än Blick -Wärmi

Äs Woort - Vertruwwu

Än Umarmig - Giborguheit

Än Ärinrig - Liebi

 

 

 

 

Goldigä Schpiegel

Wels isch das? Bin das ich? Und wels bin ich?

Öi im ä goldigu Schpiegel, bliibt ds Schpiegelbild ds glicha.